Војна или берзанска игра, што се крие зад секојдневните Трампови закани кон Иран

Шемата е речиси совршена. Наутро закана за бомбардирање, берзите паѓаат, цената на нафтата расте. Навечер изјава за повлекување или разговори, берзите се враќаат нагоре. И така, ден по ден, со хируршка прецизност.

Откако во февруари 2026 Трамп ги започна воените операции против Иран, светските берзи и пазарот на нафта се претворија во јо-јо на чии конци, тврдат американски медиуми и аналитичари, влечат рацете на луѓе блиски до самиот претседател.

Обрасецот е очигледен за секој кој го следи. На 23 март, набрзо по затворањето на американските берзи во петок, Трамп објави дека војната се смирува. Следниот ден навечер, нова закана: ако Иран не го отвори Ормускиот теснец во 48 часа, ќе бидат уништени иранските електрани. Утрото потоа, два часа пред отворањето на берзите, нова порака дека разговорите се продуктивни и дека нападите се одложуваат токму за времетраење на трговската недела. Индексот С&П 500 веднаш скокнал за 240 поени. Substack

- Advertisement -

Некој исклучително среќно тргувал и на пазарот на нафта, при што фјучерсите на западнотексашката сурова нафта бележеле масивен скок на активност токму во моментот кога цените почнале нагло да паѓаат, јасен знак дека некој ги продал своите позиции непосредно пред падот на цената. Futurism

Дури и иранскиот претседател на Парламентот Мохамад Багер Галибаф јавно го именуваше она што многумина мислеа: Трамп ја користи војната за манипулација со пазарите. The New Republic

Во срцето на приказната е Џаред Кушнер, зетот на Трамп. Трамп лично призна дека токму Кушнер бил еден од клучните советници кои го убедиле да ги започне воените операции против Иран. Но Кушнер не е само советник, тој е и приватен инвеститор со директни финансиски интереси во Саудиска Арабија, земјата која најгласно лобирала за нападот на Иран. Popular

Саудискиот суверен инвестициски фонд вложил две милијарди долари во Кушнеровата приватна инвестициска компанија Афинити Партнерс, и годишно му исплаќа 25 милиони долари како надоместок за управување. Сенатскиот комитет за финансии проценил дека до август 2026 Кушнер ќе прибере вкупно 137 милиони долари од Саудијците. Истиот саудиски принц Мохамед бин Салман кој го финансира Кушнер, во приватни разговори го притискал Трамп да го нападне Иран, регионалниот ривал на Ријад. Popular

Американски конгресмени во писмо до Кушнер директно го обвинија дека игра две несоодветни улоги истовремено, претставник на американската влада во мировните преговори и приватен бизнисмен кој бара милијарди од истите влади за кои преговара, нагласувајќи дека финансискиот притисок на Саудијците го поттикнува да ја продолжува, а не да ја завршува војната. House

На крајот, токму Кушнер и специјалниот пратеник Стив Витков промовирале идеја за основање инвестициски фонд од 300 милијарди долари за обнова на Иран, во рамките на евентуален мировен договор, план кој на многумина им изгледа како стратегија за лична заработка од уништувањето кое Трамп го остава зад себе. The New Republic

Дали станува збор за осмислена берзанска шпекулација под маска на надворешна политика? Формален одговор сè уште нема. Но хронологијата на објавите, движењата на пазарите и финансиските врски се премногу прецизни за да бидат случајност.

Сашо Денесовски