Поранешниот јужнокорејски претседател осуден на седум години затвор

Апелациониот суд во Сеул денес го осуди поранешниот јужнокорејски претседател Јун Сук-јеол на седум години затвор за попречување на правдата, злоупотреба на службена положба и фалсификување документи во врска со воведувањето на воена состојба кон крајот на 2024 година.

Судот со тоа ја зголеми првостепената казна од пет години затвор. Според пресудата, Јун ја заобиколил законски пропишаната постапка за одржување на целосен состанок на кабинетот пред да прогласи вонредна состојба, фалсификувал документи и ја користел претседателската гарда како „приватна армија“ за да го спречи неговото апсење по неговото импичмент.

Поранешниот претседател присуствувал на изрекувањето на пресудата, но не дал изјава, објави јужнокорејската новинска агенција Јонхап.

- Advertisement -

Пресудата е изречена во посебен случај што се однесува на попречување на правдата и злоупотреба на службена положба, а доаѓа откако Јун веќе беше осуден на доживотен затвор во главниот случај за бунт поради обид за воведување воена власт на 3 декември 2024 година.