Мицкоски порача дека се отвораат нови можности со Швајцарија

Премиерот Христијан Мицкоски оцени дека Швајцарија останува еден од клучните партнери на Македонија, со потенцијал за дополнително продлабочување на соработката, особено во економијата и трговијата.

Изјавата доаѓа по средбата со претседателот на Швајцарската конфедерација, Ги Пармелан, на која присуствувале и владини претставници и членови на бизнис-заедницата.

На средбата се разговарало за унапредување на билатералните односи, заедничките предизвици и конкретни чекори за продлабочување на партнерството во наредниот период.

- Advertisement -

– Разговаравме за сите можности, за предизвиците, но и за тоа што нè поврзува и како тоа дополнително да го засилиме. Убеден сум дека односите ќе го достигнат нивото што го очекуваме, особено во делот на економската соработка и трговската размена – изјави Мицкоски.

Премиерот упати благодарност за досегашната поддршка од Швајцарија и нагласи дека Владата ќе продолжи со активности за подигнување на односите на повисоко ниво.

– Ќе работиме интензивно на зајакнување на билатералните односи – додаде Мицкоски.