Охридскај бара јавен и итен одговор: дали е покрената истрага против обвинителот Стојанче Арнаудов?
Охрид – Случајот „Сара“ влегува во судска фаза. За 27.11.2026 година пред Основен суд Охрид е закажано рочиште против Кристијан Корабоски. Тоа е уште еден тест не само за судот, туку и за целото охридско обвинителство.
Судењето се води по брза постапка. На Корабоски му е одреден 30-дневен притвор. Обвинителството го терети за три кривични дела:
За осомничениот важи презумпција на невиност. Вина може да утврди само надлежниот суд.
Според Кривичниот законик:
Која казна ќе биде применлива зависи од правната квалификација и од тоа што ќе утврди судот. Ако Корабоски биде огласен за виновен за повеќе дела, судот изрекува една единствена казна според правилата за стек на кривични дела.
Судската постапка против осомничениот е еден дел од приказната. Другиот дел е зошто предметот воопшто стигна до јавен скандал, пред да се случи реакција на институциите.
Охридскај јавно го постави прашањето до Државниот јавен обвинител Ненад Савески: дали е покрената истрага против основниот јавен обвинител Стојанче Арнаудов за несовесно работење или за злоупотреба на службена положба и овластување?
Одговор нема. Не е доволно предметот да се одземе од еден обвинител и да се додели на друг, па работата да се смета за завршена. Тоа е административна мерка. Не е одговор на прашањето дали постои проверка на одговорноста.
Од Савески бараме јасен и јавен одговор, со конкретни податоци и рок:
Не прифаќаме одговор од типот „постапката е во тек“ без конкретни податоци. Не прифаќаме ниту молк. Молкот е веќе одговор, и тоа лош.
Најлесниот пат за секоја институција е да чека. Рочиштето ќе помине, вниманието ќе се префрли на нова тема, а прашањата за одговорноста ќе заглават во некоја фиока. Охридскај нема да дозволи тоа.
И за Арнаудов важи презумпција на невиност, и затоа одговорот мора да е јавен. Ако нема основ за истрага, нека институциите го кажат. Ако има, јавноста мора да знае дека постои. Правосудството што не објаснува јавно што прави не може да бара доверба од граѓаните.
Господине Савески, рокот за јавен одговор тече. Охридската јавност чека.
С.Д.
Tagged as:
Арнаудов брза постапка Више јавно обвинителство Битола Државно јавно обвинителство загрозување на сигурноста злоупотреба на службена положба Истрага Јавно обвинителство Охрид Корабоски Кривичен Законик Кристијан Корабоски Ненад Савески несовесно работење Основен Суд Охрид охрид охридскај правосудство Притвор противправно лишување од слобода Савески Сара случај Сара Совет на јавните обвинители Стојанче Арнаудов судење тешка телесна повреда член 131
ОhridSky е ваш доверлив извор за сеопфатно и избалансирано покривање на вестите. Со посветеност на интегритет и точност, обезбедуваме длабинско известување кое ги открива приказните што се најважни.
© 2025 OhridSky. Сите права задржани.
Please login or subscribe to continue.
No account? Register | Lost password
✖✖
Are you sure you want to cancel your subscription? You will lose your Premium access and stored playlists.
✖
