Министерството за внатрешни работи (МВР) уапси три лица за убиствата во Ѓорче Петров

Министерството за внатрешни работи (МВР) уапси три лица за убиствата во Ѓорче Петров, неофицијално објави Пресс24.

Како што наведува порталот, мотивите за убиствата најверојатно се пари, а жртвите прво биле убиени, па ограбени.

Вчера утро во Ѓорче Петров беше пронајдено безживотно тело на 76-годишна жена. Телото со видливи траги од насилство го пронашла нејзината ќерка која веднаш пријавила во полиција. Според соседите, жената три години живеела сама, а последен пат била видена завчера. Во текот на ноќта, пред да биде пронајдена мртва, соседите не забележале ништо невообичаено.

- Advertisement -

Ова е второ убиство во Ѓорче Петров во последните 5 дена. Минатата недела МВР информираше дека 62-годишен маж со траги на насилство е пронајден во сопствениот дом.