Новите цени на горивата од ноќеска на полноќ носат поевтин бензин, но значително поскап дизел

Новите цени на горивата од ноќеска на полноќ носат поевтин бензин, но значително поскап дизел.

Одлуката на Регулаторната комисија за енергетика предвидува намалување на цената на бензините за 1,5 денар за литар. Така, ЕУРОСУПЕР БС-95 ќе се продава по 99 денари, а БС-98 по 101 денар за литар.

Од друга страна, дизелот поскапува за 5,50 денари, па новата цена на ЕУРОДИЗЕЛ ќе изнесува 104,50 денари за литар.

- Advertisement -

Се намалува и цената на екстра лесното масло за домаќинство (ЕЛ-1) за 7 денари, односно на 102,5 денари за литар.

Мазутот М-1 НС поскапува за 1,835 денари, па неговата нова цена ќе изнесува 50,078 денари за килограм, предмалку соопшти РКЕ.