Дали Ал Пачино и 54 години помладата Нур Алфала кои имаат тригодишен син се повторно заедно?

Ал Пачино (86) и неговата поранешна партнерка Нур Алфала (32) повторно се појавија заедно во јавност, а фотографијата што таа ја објави предизвика внимание поради кратката, но значајна порака што ја напиша покрај неа.

На фотографијата, направена на свеченото отворање на „Lucas Museum of Narrative Art“ во Лос Анџелес, 86-годишниот актер стои покрај 32-годишната филмска продуцентка, а таа ја потпишала објавата со „Roman’s Mom & Dad“ – „Мама и тато на Роман“, додавајќи црвено срце.

- Advertisement -

Пачино и Алфала имаат син Роман, кој е роден во јуни 2023 година, кога актерот имаше 83 години. Роман е четвртото дете на Пачино. Иако двајцата претходно беа во љубовна врска, во октомври 2024 година Пачино за „People“ кажа дека повеќе не се заедно, туку дека ги поврзува пријателство и заедничкото родителство.

Нивниот однос и по раскинувањето остана близок. Во последните години неколкупати беа фотографирани заедно, а во мај годинава присуствуваа и на ревијата на „Диор“ во Лос Анџелес. Тогаш нивното заедничко појавување повторно предизвика шпекулации дека можеби се смириле, но ниту Пачино ниту Алфала не потврдија дека повторно се во љубовна врска.

Алфала претходно зборуваше за нивниот однос и откри дека за време на пандемијата почнале да поминуваат многу време заедно, гледајќи филмови и играјќи шах. Таа тогаш раскажа дека Пачино ѝ ги покажувал своите филмови, меѓу кои и „Лице со лузна“ и „Боби Дирфилд“, а нивното пријателство постепено прераснало во љубовна врска.

Ал Пачино има четири деца, а Роман е неговото најмладо дете. Најстаро е неговата ќерка Џули Мари, која е родена во 1989 година од врската со актерската тренерка Џен Тарант. Со актерката Беверли Д’Анџело има близнаци Антон Џејмс и Оливија Роуз, кои се родени во 2001 година.

Пачино на почетокот на годинава пристигна со возрасните деца и на премиерата на филмот „I Live Here Now“ во Лос Анџелес, кој го режираше неговата ќерка Џули.

Актерот никогаш не бил во брак. Во разговор за „People“ во 2024 година кажа дека едноставно никогаш не чувствувал дека бракот е нешто што му одговара. Со поранешната партнерка Беверли Д’Анџело, со која ги доби близнаците, останал близок и по нивното раскинување во 2003 година.