НОВ ЦЕНОВЕН ШОК ЗА ГРАЃАНИТЕ ВО СЕВЕРНА МАКЕДОНИЈА

Уште едно поскапување на горивата го стигна пазарот, а последиците веднаш се пренесуваат врз сите основни производи. Регулаторната комисија за енергетика донесе одлука за нови цени на нафтените деривати, кои стапуваат во сила од полноќ.

Според новата одлука, бензините ЕУРОСУПЕР БС95 и ЕУРОСУПЕР БС98 поскапуваат за 3 денари за литар, додека ЕУРОДИЗЕЛ Д, Е, V поскапува дури за 6 денари за литар. Со тоа, литар ЕУРОСУПЕР БС95 отсега ќе чини 97 денари, ЕУРОСУПЕР БС98 ќе се продава за 99 денари, а литар ЕУРОДИЗЕЛ ќе изнесува 101 денар.

Поскапување бележат и другите деривати, екстра лесното масло за домаќинство, ЕЛ, 1 расте за 8 денари за литар и ќе чини 105 денари, додека мазутот М, 1, НС поскапува за 1,591 денар за килограм и новата цена ќе изнесува 46,001 денари за килограм.

- Advertisement -

Ваквото покачување на цената на главниот енергенс директно се пренесува врз транспортните трошоци, а со тоа и врз цените на широк спектар производи, од храна до услуги. Секое поскапување на горивата дополнително ја намалува куповната моќ на граѓаните во Северна Македонија, кои веќе се соочуваат со висок притисок врз домашниот буџет.