25-годишник од Скопје е осомничен за обид за убиство откако по расправија во угостителски објект избодел друго лице со нож

25-годишник од Скопје е осомничен за обид за убиство откако по расправија во угостителски објект избодел друго лице со нож.

Инцидентот се случил на 23 април по полноќ, кога вербална расправија меѓу двајцата прераснала во физичка пресметка. Според информациите од истрагата, во еден момент оштетениот го нападнал осомничениот, по што 25-годишникот извадил нож и му задал неколку убоди.

Нападнатиот добил рани во градниот кош, грбот и стомакот. По укажаната лекарска помош, тој бил пуштен на домашно лекување.

- Advertisement -

Од Обвинителството информираат дека против осомничениот е поведена истражна постапка за обид за убиство, а до судот е доставен предлог да му биде одреден куќен притвор.