Откриено што ќе јаде кралското семејство кај Трамп во Белата куќа

Британскиот кралски пар доаѓа во САД за да ја одбележи 250-годишнината од американската независност.

Кога британскиот крал Кралот Чарлс III и неговата сопруга Кралицата Камила ќе му се придружат на американскиот претседател Доналд Трамп во Белата куќа, се очекува менито на државната вечера – каде влогот е висок – да остави силен впечаток, пишува Fox News Digital.

Бакингемската палата на 31 март објави дека кралот и кралицата ќе отпатуваат во САД за да ја одбележат 250-годишнината од американската независност. Трамп информираше дека парот ќе престојува од 27 до 30 април, додека државниот банкет е планиран за 28 април во Белата куќа.

- Advertisement -

Дарен МекГрејди, поранешен личен готвач на покојната Кралица Елизабета II, Принцезата Дајана, како и на нејзините синови Принцот Вилијам и Принцот Хари, кој готвел и за американските претседатели Форд, Реган, Клинтон и двајцата Буш, изјави дека британското кралско семејство може да го очекува на трпезата „најдоброто од Америка“.

– Не би очекувал на менито да има clotted cream (многу густа млечна павлака), бидејќи тоа е типично британски производ. Америка има неверојатни домашни намирници. Секако, палатата сигурно веќе комуницирала дека кралот не е љубител на чоколадо, додека кралицата го обожава. Ако има сирење, кралот ќе биде воодушевен – тој го обожава. Исто така сака мед, печен зеленчук, рижото, а особено јагнешко месо. Тука има извонредно јагнешко – би му била чест ако му се послужи – открива МекГрејди.

Тој додава дека да се импресионира монархот е полесно отколку што многумина мислат.

– За кралот најважни се локалните производи. Сака да види сезонски намирници – аспарагус, артичоки, грашок, спанаќ и брокула. Би бил апсолутно воодушевен ако нешто од тоа се најде на менито – вели тој.

Кралската коментаторка Аманда Мата се согласува и додава дека Белата куќа сигурно ќе ги земе предвид прехранбените навики и ограничувања на гостите, но менито сепак ќе биде суштински – американско.

Кралот Чарлс, на пример, не јаде foie gras, а членовите на кралското семејство од практични причини избегнуваат и црвени сосови, лук или кари. Оброкот мора да биде елегантен, но не премногу комплициран и лесен за јадење за време на разговор. Тоа значи – без храна што се јаде со раце, без неуредни јадења и без премногу експериментирање – вели Мата.

Таа нагласува дека ваквите вечери се дипломатски чин: секое јадење, секое вино и секоја состојка се внимателно избрани за да ја претстават земјата домаќин, нејзината кујна, земјоделство и идентитет.

Британската коментаторка Хелена Чард смета дека не би било изненадување ако се послужи едно од омилените јадења на кралот.

– Очекувам органско јагнешко од Вирџинија со кора од билки и многу зеленчук. Органски грашок со нане е на врвот – кралот е опседнат со грашок. И Чарлс и Камила сакаат рачно изработени сирења, како и пита од органски јаболка“, вели таа.

Но, постојат и строги забрани.

– Кралскиот протокол налага дека лукот и школките се строго забранети. Менито се планира со недели однапред. Се прават три пробни верзии, а конечната се избира 24 часа пред банкето – додава Чард, посочувајќи дека се внимава и на здравјето на кралот, кој продолжува со лекување од рак.

Американските државни вечери следат утврден протокол: церемонија на пристигнување, поздравување, коктели, формална вечера, говори и забава. Понекогаш има и музички настапи, а токму опуштените моменти по вечерата често создаваат легендарни сцени – како танцот на принцезата Дајана со Џон Траволта во 1985 година.

– Можеби ќе ја видиме Камила како танцува со Трамп, или Меланија во прегратка на кралот Чарлс – ништо не би ме изненадило – заклучува Мата.

И додека британскиот крал важи за прилично едноставен кога станува збор за храна, американскиот претседател е уште поедноставен: неговото мени најчесто се сведува на неколку јадења – брза храна, стек и газирани пијалаци.