Познатиот актер и мајстор на боречки вештини Џеки Чен ќе биде амбасадор на специјализираната изложба Експо 2027, која за прв пат ќе се одржи на Западен Балкан, во Белград

Познатиот актер и мајстор на боречки вештини Џеки Чен ќе биде амбасадор на специјализираната изложба Експо 2027, која за прв пат ќе се одржи на Западен Балкан, во Белград.

Темата на настанот „Играј за хуманост – Спорт и музика за сите“ беше дизајнирана да покаже како креативната игра преку спорт и музика може да придонесе за поврзување на луѓето и заеднички одговор на глобалните предизвици.

Џеки Чен, во интервју за Euronews, нагласи дека спортот, музиката и културата не се одвоени, туку претставуваат различни јазици со ист дух.

- Advertisement -

Тој верува дека Белград ќе биде место за средба на Истокот и Западот во 2027 година.

Српскиот претседател  Александар Вучиќ, по тој повод  се сретна со Чен и објави фотографија од средбата на социјалните мрежи.

„Голема чест е што оваа глобална филмска ѕвезда и еден од најголемите светски културни амбасадори ќе го претставува EXPO во Србија со својата харизма и енергија. Убеден сум дека како промотор на EXPO 2027, тој ќе обезбеди силна поддршка во презентирањето на настан што ќе ја стави нашата земја во центарот на глобалното внимание и ќе го доближи духот на играта што EXPO го промовира во нашата Србија до светот“, напиша Вучиќ.