Иранската влада објави податоци: 1.060 луѓе загинале во војната со Израел

Иранската влада објави нов број на жртви од војната со Израел, велејќи дека најмалку 1.060 луѓе се убиени и предупредувајќи дека бројот може да се зголеми.

Саид Охади, раководител на Фондацијата за маченици и ветерани на Иран, ја даде бројката во интервју емитувано на иранската државна телевизија доцна во понеделникот.

Охади предупреди дека бројот на жртви може да достигне 1.100 со оглед на тоа колку тешко беа ранети некои луѓе.

- Advertisement -

За време на војната, Иран ги минимизираше последиците од 12-дневното израелско бомбардирање на земјата, кое ја десеткуваше нејзината воздушна одбрана, уништи воени објекти и оштети нуклеарни постројки.

Откако стапи на сила прекинот на огнот, Иран бавно го признава обемот на уништувањето, иако сè уште не откри колку воена опрема изгубил.

Организацијата за заштита на човекови права „Хјуман рајтс воч“ со седиште во Вашингтон, која обезбеди детални бројки за жртвите во неколку рунди немири во Иран, соопшти дека загинале 1.190 лица, вклучувајќи 436 цивили и 435 припадници на безбедносните сили. Според Асошиејтед прес, во нападите се ранети уште 4.475 лица.