Руските светски шампиони во уметничко лизгање од 1994 година беа во авионот што се урна во САД

Руските лизгачи и тренери Евгенија Шишкова и Вадим Наумов биле во авионот на Американ ерлајнс кој се урна во близина на националниот аеродром Вашингтон Реган, објави во четвртокот руската државна новинска агенција ТАСС.

Шишкова и Наумов, кои беа во брак, ја освоија светската титула во уметничко лизгање во 1994 година.

Регионален патнички авион на „Американ ерлајнс“ во средата вечерта се судри во воздух со хеликоптер „Блек Хок“ на американската армија во близина на националниот аеродром „Реган Вашингтон“, по што патничкиот авион се урна во реката Потомак.