Запалено возило во Охрид: сторителот снимен на камера како истура бензин и го пали автомобилот

Автомобил запален во раните утрински часови, сторителот снимен на камера

Возило од марката БМВ е запалено утринава околу 3:30 часот на улица „Абас Емин“, кај месноста Сурѓун во Охрид. Според очевидците, сторителот е снимен на надзорни камери како истура бензин врз возилото, го пали и потоа се оддалечува од местото на настанот.

На местото интервенираше Територијалната противпожарна единица (ТПЕ) од Охрид, која го изгасна пожарот. Возилото е речиси целосно уништено, а материјалната штета е голема. Според информациите до кои дојде редакцијата, нема повредени лица.

Од надлежните институции за сега нема официјално соопштение за причините и за идентитетот на сторителот. Не е познато ниту дали полицијата презела истражни дејствија, ниту дали сторителот е лоциран.

- Advertisement -

Редакцијата ќе ја дополни веста по добивањето на официјални информации.