ВО ЗЕМЈАВА НЕ Е ПЛАСИРАНА СПОРНАТА БЕБЕШКА ХРАНА НА „HiPP“

Агенцијата за храна и ветеринарство (АХВ) соопшти дека на македонскиот пазар не се продава  храната за бебиња од брендот HiPP со вкус на морков и компир која како небезбедна се повлекува од австрискиот пазар.

-До овој момент АХВ нема добиено нотификација преку Системот за брзо известување за небезбедни производи на Европската унија (RASSF), дека на македонскиот пазар е пласиран небезбеден производ храна за бебиња од брендот HiPP ( стаклено пакување од 190 грами со вкус на морков и компир) кој е предмет на повлекување и истрага во Австрија и неколку европски земји.

Агенцијата ја следи состојбата и доколку се јави потреба навремено ќе реагира.

- Advertisement -

Дополнително, од страна на операторот со храна, овластен дистрибутер на  производите на ХИПП за Македонија, Агенцијата доби писмено известување дека во земјава воопшто нема увезено од спорниот производ, односно истиот не е пласиран на македонскиот пазар.

Неодамна на австрискиот пазар е откриена ваков вид на бебешка храна со присуство на отров за глувци, а компанијата тврдеше дека од нејзините погони не излегол таков производ и обвини за уцена.