Снег вечерва паѓа во повисоките предели на западна Македонија, а најинтензивни врнежи се пријавуваат на Попова Шапка

Снег вечерва паѓа во повисоките предели на западна Македонија, а најинтензивни врнежи се пријавуваат на Попова Шапка. На превојот Стража снегот засега не се задржува на коловозот.

Зимските услови пристигнуваат во планинските предели на западна Македонија. Снег вечерва почна да паѓа на повисоките места, а според информациите од теренот, најсилно снежи на Попова Шапка.

Внимателно треба да возат и сите што се движат преку планинскиот превој Стража, на патниот правец Гостивар – Кичево. „Порта“ објави видео снимено околу 18 часот, на кое се гледаат снежните врнежи на оваа делница.

- Advertisement -

Според сведоштвата на возачите што поминале преку превојот, снегот засега не се задржува на коловозот, па сообраќајот се одвива без поголеми проблеми.