ВИСОКА ДЕЛЕГАЦИЈА ОД ИЗРАЕЛ ВО ПОСЕТА НА ОПШТИНА ОХРИД

Градоначалникот Кирил Пецаков денеска прими Висока делегација од Министерството за регионална соработка на Израел којашто е во неколкудневна официјална посета на државава.

На средбата двете страни разменија мислења за зајакнување на  соработката меѓу институциите, универзитетите и бизнисите од двете земји , со посебен фокус на иновации, претприемништво и технолошки развој.

- Advertisement -

Градоначалникот Пецаков ги информира гостите за  работењето  на ХАБ центарот и младинскиот   центар сместени во  просториите на некогашната касарна  во Охрид. Беше посочено дек ХАБ Центарот поттикнува локален економски развој нудејќи им на младите  бесплатно користење простор, менторски програми и менторство за изработка на бизнис планови и дигитални вештини. Општината делува како мост меѓу ХАБ центарот, Универзитетот за Информатички науки и технологии „Св. Апостол Павле“, Локалниот бизнис сектор и граѓанските организации. Беше истакнато дека во иднина се планира отворање  на младински културен центар во просториите на касарната.

Израелските гости ги презентираа активностите на ИНОВА и израелските  искуства на тој план.

Градоначалникот им посака пријатен престој во Охрид, како главен туристички центар во државава кој заедно со Охридското Езеро е под заштита на УНЕСКО.

Делегацијата од Израел наредниве денови ќе оствари средба и со градоначалници од други градови во државава, а во земјава доаѓа во соработка со Агенцијата за иновации, научно – технолошки развој и претприемништво.