Театар ГОРИВА: Мицкоски, ОКТА и цената на политичкото ветување за дневна употреба

Кога намалувањето за 3 денари се претвора во поскапување за 7

ВЕТЕНО НАМАЛУВАЊЕ −3 денари само ОКТА

ПОСКАПУВАЊЕ БЕНЗИН - Advertisement - +7 денари на пазарот

ПОСКАПУВАЊЕ ДИЗЕЛ +6.5 денари на пазарот

Само пред три дена, премиерот Христијан Мицкоски го најави договорот со ОКТА — намалување на цените на нафтените деривати за цели 3 денари. Провладините медиуми реагираа со брзина на светлината. Партиските ботови го окупираа интернет просторот. Сè беше совршено.

Само еден детал беше заборавен: договорот важи само за ОКТА. За Макпетрол и останатите компании — апсолутно ништо.

Официјален одговор на Макпетрол

„До Макпетрол до денес не е пристигнато официјално известување врз основа на која би се промениле договорните услови помеѓу двете компании.“

„РКЕ со ваквото укажување до трговците излегува надвор од своите овластувања и професионалните стандарди.“

Сепак, Регулаторната комисија за енергетика порача компаниите да го „почитуваат договорот“. Кој договор? Оној склучен помеѓу премиерот и само една компанија , без законска обврска за останатите пазарни учесници.

Наместо намалување, граѓаните утредента добија поскапување: бензин за 7 денари, дизел за 6,5 денари. Аритметиката на власта е едноставна ,огласувај намалување, прифаќај поскапување.

Клучни прашања без одговор

1. Зошто договорот ја опфати само ОКТА, а не сите дистрибутери?
2. Под кој правен основ РКЕ им наложува обврски на компании кои не потпишале договор?
3. Дали намалувањето беше вистинска мерка или медиумска претстава пред поскапувањето?

И така, следува прашањето: која ќе биде следната епизода на Итар Пејо? Можеби нов договор, овој пат со бензинска пумпа од Кичево. Намалување за 5 денари ,но само ако платиш со кеш, само во вторник, и само ако си член на правата партија.

С.Д.