Според реномираниот портал Хандбал-Планет, Светското машко ракометно првенство 2025, кое ќе се одржи во Хрватска, Данска и Норвешка, ветува возбудливи натпревари и жестока борба за медалите. Според предвидувањата, главните фаворити за златото се репрезентациите на Данска, Франција и Германија, додека Македонија се очекува да заврши на 22-то место. Медалите ќе бидат доделени во Осло, Норвешка, на 2 февруари, кога ќе се заокружи ова големо натпреварување.
Кои се фаворитите за медали?
Порталот предвидува дека Данска, која е актуелен шампион, ќе биде меѓу главните кандидати за титулата, заедно со Франција и Германија, кои имаат исклучително квалитетни состави. Хрватска, како еден од домаќините, ќе се обиде да стигне до полуфиналето, потпирајќи се на поддршката од својата публика во Загреб, каде 15.000 навивачи ќе ја бодрат. Норвешка и Шведска, исто така, се меѓу репрезентациите со сериозни амбиции, додека Египет, претставникот на Африка, е селекција која постојано покажува одлични резултати.
Македонија и шансите на првенството
Македонија, според проценките, ќе се пласира во главната фаза, но се очекува да заврши на 22-то место. Ова е подалеку од најдобриот пласман на „црвено-жолтите“ на светските првенства, кога во 2015 година го освоија деветтото место.
Иако не се очекуваат високи пласмани, македонските ракометари ќе се обидат да го дадат својот максимум и да приредат изненадувања против посилните противници.
Шансите на регионалните селекции
Во регионот, Словенија е прогнозирана да заврши на 10-то место, што е солиден пласман за нив. Србија, Црна Гора и останатите тимови не се спомнати во врвот на прогнозите, но тоа не значи дека нема да можат да изненадат некоја репрезентација.
Светското првенство 2025 најавува спектакуларни дуели, а љубителите на ракометот ќе имаат можност да следат врвни тимови и играчи. Главните борби ќе се водат меѓу Данска, Франција и Германија, додека Македонија, иако со скромни очекувања, ќе се обиде да остави свој белег на овој турнир.
РАСПОРЕД НА НАТПРЕВАРИ НА МАКЕДОНИЈА НА СП 2026
15.01.2025 МАКЕДОНИЈА – Унгарија 20:30 часот
17.01.2025 МАКЕДОНИЈА – Холандија 18:00 часот
19.01.2025 МАКЕДОНИЈА – Гвинеја 20:30 часот
Македонија ќе игра во Вараждин во Д групата против, Унгарија, Холандија и Гвинеја. И во втората рунда (минуваат три селекции) Македонија ќе остане во Вараждин, а противници би биле трите
првопласирани од Ц групата, Франција, Австрија, Катар и Кувајт.
Прогноза според Хандбал-Планет за конечен пласман:
1. Данска
2. Франција
3. Германија
4. Хрватска
5. Норвешка
6. Шведска
7. Египет
8. Унгарија
9. Шпанија
10. Словенија
11. Чешка
12. Холандија
13. Португалија
14. Исланд
15. Полска
16. Катар
17. Австрија
18. Јапонија
19. Италија
20. Бахреин
21. Бразил
22. Македонија
23. Тунис
24. Зелен ’Рт
25. Швајцарија
26. Аргентина
27. Алжир
28. Чиле
29. Кувајт
30. САД
31. Куба
32. Гвинеја.
Прелиминарни групи:
Група А, Хернинг (ДЕН): Германија, Чешка, Полска, Швајцарија.
Група Б, Хернинг (ДЕН): Данска, Италија, Алжир, Тунис.
Група Ц, Пореч (ХРВ): Франција, Австрија, Катар, Кувајт.
Група Д, Вараждин (ХРВ): Унгарија, Холандија, Северна Македонија, Гвинеја.
Група Е, Осло (НОР): Норвешка, Португалија, Бразил, САД.
Група Ф, Осло (НОР): Шведска, Шпанија, Јапонија, Чиле.
Група Г, Загреб (ХРВ): Словенија, Исланд, Куба, Кабо Верде.
Група Х, Загреб (ХРВ): Египет, Хрватска, Аргентина, Бахреин.
Прелиминарно коло: 14-20 јануари
Претседателски куп: 21-28 јануари
Главен круг: 21-26 јануари
Нокаут фаза: 28 јануари – 2 февруари
Спортски сали:
Арена Загреб – капацитет: 15.200
Арена Вараждин – капацитет: 5.200
Затика Пореч – капацитет: 3.500
„Jyske Bank Boxen“ – капацитет: 15.000
„Unity Arena“ – капацитет: 13.000
ТОП 5 НАТПРЕВАРИ ОД ПРЕЛИМИНАРНОТО КОЛО:
Алжир – Тунис (18 јануари)
Норвешка – Португалија (19 јануари)
Египет – Хрватска (19 јануари)
Словенија – Исланд (20 јануари)
Шведска – Шпанија (20 јануари)
ТОП 5 ТЕМИ НА ПРВЕНСТВОТО:
Данскиот пат до 4 злато?
Домагој Дувњак „последен танц“ момент?
„Фараоните“ конечно се подготвени?
Германија 2024 сон или реалност?
Франција во ерата на „пост Карабатиќ“?
ТОП 5 МВП ИГРАЧИ:
Матијас Гидсел (Данска)
Недим Ремили (Франција)
Емил Нилсен (Данска)
Андреас Волф (Германија)
Дика Мем (Франција)
Финалниот ден ќе се игра во Осло на 2 февруари. Полуфиналните натпревари ќе се играат во Осло (31 јануари) и Загреб (30 јануари).
