Ријалити-ѕвездата Клои Кардашијан (42) отворено зборуваше за својот љубовен живот и откри дека сè повеќе се препознава во поимот демисексуалност. По речиси пет години без сексуални односи, таа признава дека не чувствува потреба да има секс, но понекогаш ѝ недостигаат нежноста, бакнежите и прегратките од личност со која би била емотивно поврзана.
За ова разговараше со својот долгогодишен пријател Сајмон Хак во нејзиниот поткаст Khloé in Wonderland. Тој ѝ објасни дека демисексуална е личност која може да почувствува сексуална привлечност дури откако ќе воспостави емоционална поврзаност со друга личност. Според него, поради тоа, за демисексуалните луѓе е речиси невозможно да имаат случајна сексуална авантура со некого што штотуку го запознале.
– Не мислам дека некогаш сум имала секс за една вечер. Би се сетила – рече Кардашијан, а потоа изненадено праша дали тоа значи дека е таа демисексуална?
Разговорот продолжува со темата за нејзината петгодишна апстиненција од секс, која започнала по разделбата од кошаркарот Тристан Томпсон во 2021 година.
– Навистина ми е тешко сега да бидам во состојба во која би сакала да се зближам со некого. Толку многу работи ми се случија, а сега сум на толку добро место што се плашам повторно да направам нешто што би можело да заврши како во минатото – објасни таа.
Кога пријателот ја праша дали ѝ недостига физичката блискост, Клои направи јасна разлика меѓу сексуалната желба и потребата за нежност.
– Повеќе ми недостига тоа што понекогаш сакам да бидам бакната. Но не во смисла дека ми треба секс. Понекогаш ми недостига обична, убава прегратка – но од некој од кого навистина сакаш да ја добиеш – вели таа.
Во разговорот тие се осврнаа и на отворените врски. Клои вели дека не е против таков начин на функционирање на една врска, доколку партнерите однапред се договорат за правилата и границите.
– Само дајте ни правила. Не ми се допаѓа кога мажите велат: Посветен сум, ова е тоа што го правиме, а потоа одат и изневеруваат. Многу жени би биле согласни со такви правила. Она што не го прифаќам е лажењето. Оставете ме јас да одлучам – вели Кардашијан.
Клои има две деца, ќерката Тру (8) и синот Тејтум (4), со Томпсон, со кого имаше турбулентна врска од 2016 до 2021 година, обележана со повеќе скандали со неверство.
Претходно беше во брак со кошаркарот Ламар Одом, од 2009 до 2016 година. Нивниот брак беше проследен со неговите проблеми со зависност од дрога и неверства, а Клои неодамна и јавно реагираше на неговите изјави за нивниот однос во документарецот на Нетфликс.
Во интервју за „Ел“ во 2025 година, таа призна дека на почетокот ѝ било непријатно да зборува за долгата сексуална апстиненција, но подоцна сфатила дека тоа е период во кој се чувствува добро и се посветува на себе и на децата.
Tagged as:
КЛОИ КАРДАШИЈАН ОТКРИ ДЕКА Е ДЕМИСЕКСУАЛНА ПО ПЕТ ГОДИНИ БЕЗ СЕКС
ОhridSky е ваш доверлив извор за сеопфатно и избалансирано покривање на вестите. Со посветеност на интегритет и точност, обезбедуваме длабинско известување кое ги открива приказните што се најважни.
© 2025 OhridSky. Сите права задржани.
Please login or subscribe to continue.
No account? Register | Lost password
✖✖
Are you sure you want to cancel your subscription? You will lose your Premium access and stored playlists.
✖
