Нереални глетки од изгорената вила вредна 4,6 милиони долари

Во Лос Анџелес беснеат шумски пожари, а бројни познати личности мораа да ги напуштат своите куќи.
Многумина ги загубија своите домови, вклучувајќи го и актерот Џон Гудман, најпознат по неговите улоги во серијата „Розан“ и филмот „Кременковци“.

До темел изгоре куќата на познатиот актер, а фотографиите од пустошот што го остави пожарот го обиколија светот. Домот на актерот се наоѓал во Пацифик Палисадес, елитна област во Лос Анџелес која била зафатена во огромниот пожар.

- Advertisement -

Куќата со пет спални и пет бањи актерот ја купил пред седум години, а нејзината вредност се проценува на 4,6 милиони долари. Ништо не останало од неговата куќа која порано зафаќала 5.250 квадратни метри.

Актерот повремено живеел таму со сопругата Ана Бет Гудман, со која е во брак од 1989 година. Заедно ја имаат 34-годишната ќерка Моли Еванџелин Гудман. Семејството се уште не се изјаснило за катастрофата.