Мотоциклист загина на патот Крива Паланка – Куманово

Тешка сообраќајна несреќа со трагичен исход се случила вчера (недела) околу 13 часот на магистралниот пат Крива Паланка – Куманово, во атарот на селото Градец.

Според информациите од МВР, мотоцикл со неготински регистарски ознаки, управуван од М.Н. (50) од Неготино, удрил во банкина.

Од здобиените повреди, 50-годишниот мотоциклист починал на самото место.

- Advertisement -

Несреќата била пријавена во ОВР Крива Паланка, а увид на местото извршила полициска екипа.

Се очекува надлежните да ги утврдат околностите под кои дошло до трагичната сообраќајна несреќа.