Додека многумина на негови години уживаат во пензионерските денови, Ринго Стар не покажува знаци дека планира да забави. Легендарниот музичар, кој во јули го прослави 86. роденден, сè уште настапува со својот All-Starr Band, снима нова музика и редовно вежба. За енергијата што ја има на сцената, самиот вели дека е заслужен активниот начин на живот.
Во интервју за The Washington Post, Стар открил дека се придржува до вегетаријанска исхрана, редовно пешачи и вежба со тегови.
– Никогаш нема да бидам Арнолд Шварценегер, но се трудам да се движам и да пешачам секогаш кога можам – вели музичарот.
;
Неговиот колега од бендот, гитаристот Стив Лукатер, открил дека Стар секојдневно поминува околу 45 минути на лента за трчање. Покрај тоа, вежба со тегови. Во минатото раскажал дека трипати неделно тренира со личен тренер, а често самостојно прави уште еден или два тренинга.
Колку е во добра физичка форма покажува и еден интересен детаљ од концертите. Според Лукатер, по двочасовен настап Стар сè уште има доволно енергија за скокање и раздвижување на сцената.
Покрај физичката активност, Стар посветува големо внимание и на исхраната. Тој со години е вегетаријанец, а особено ја сака брокулата. Во разговорот за The Washington Post се пошегувал дека речиси целото негово тело е составено од овој зеленчук.
Открил дека често ја јаде како прилог, без оглед на тоа што е главното јадење. Така, дури и кога на менито има рижото со печурки, покрај него задолжително има брокула.
Овој зеленчук е богат со растителни влакна, витамин Ц и витамин К, а содржи и различни растителни соединенија. Сепак, ниту една намирница сама по себе не може да гарантира долговечност или да го спречи стареењето.
Стар со години нагласува дека нема посебен трик за одржување на кондицијата. Во претходно интервју за USA Today истакнал дека најважно е човек да стане и да почне да се движи, бидејќи никој друг не може да вежба наместо него.
Неговите навики потсетуваат на значењето на редовната физичка активност и во повозрасните години. Пешачењето помага во одржувањето на кондицијата, додека вежбите за сила придонесуваат за зачувување на мускулната маса, која природно се намалува со стареењето.
А според примерот на Ринго Стар, не треба да се заборави ниту задоволството од занимавањето со работите што ги сакаме. Легендарниот музичар и понатаму го прави она што го исполнува – свири, настапува и создава нова музика.
ОhridSky е ваш доверлив извор за сеопфатно и избалансирано покривање на вестите. Со посветеност на интегритет и точност, обезбедуваме длабинско известување кое ги открива приказните што се најважни.
© 2025 OhridSky. Сите права задржани.
Please login or subscribe to continue.
No account? Register | Lost password
✖✖
Are you sure you want to cancel your subscription? You will lose your Premium access and stored playlists.
✖
