Background

ИНВЕСТИТОР ДОБИЛ РОК НА ИСПОРАКА НА ГАСНА ТУРБИНА ДУРИ ВО 2032 ГОДИНА

Министерката за енергетика и рударство Сања Божиновска на панел дискусија во рами на седмиот состанок на Партнерството за трансатлантска енергетска соработка (P-TEC) во Варшава го покрена и прашањето за проблемите со синџирите на снабдување во енергетиката.

Таа даде забелешка и на долгите рокови за испорака на набавената клучната енергетска опрема поради која инвестициите во секторот доцнат со реализација.

Како пример посочи дека еден инвеститор заинтересиран за изградба на гасна електрана првиот достапен термин што го добил за испорака на гасна турбина бил во 2032 година. Тоа вели таа ја покажува сериозноста на предизвикот со кој се соочуваат енергетските проекти.

- Advertisement -
Ad image

Божиновска нагласи дека новите инвестиции мора уште во фазата на планирање да ги земат предвид технолошките промени, потребата од резервни системи и новите ризици, особено во услови на брз развој на вештачката интелигенција, податочните центри и новите енергетски технологии.

-Она што се случи во Украина и последните геополитички случувања се важна лекција. Денес мора да размислуваме за резервни решенија, технологија и поголема регионална соработка. Енергетската инфраструктура се менува и станува сè позависна од технологијата – рече Божиновска.

Таа говореше и за проектите кои се градат во земјава а се однесуваат на електричната енергија, новите гасни поврзувања , а говореше и за потребата од регионална соработка во енергетиката..

Говорејќи за отпорноста на критичната енергетска инфраструктура, министерката нагласи дека новите безбедносни предизвици, вклучително и сајбер-нападите и заканите од дронови, бараат поинаков пристап во планирањето и управувањето со енергетските системи.

-Државите се тие што треба да ги креираат политиките и законодавството, за приватниот сектор да може да ги имплементира. Но, неопходна е голема соработка. Треба да ги слушнеме инвеститорите, а истовремено да ја заштитиме критичната инфраструктура -рече Божиновска.

Во однос на активната заштита на енергетската инфраструктура и улогата на НАТО, Божиновска оцени дека со зголемувањето на заканите од дронови и сајбер-напади, механизмите за консултации и координација во рамки на Алијансата ќе добиваат сè поголемо значење.

На панел-дискусијата учествуваа и министерот за енергетика на Литванија, Лукас Савицкас, Пјер Бешелани, претставник на Fluor, и Роџер Мартела од GE Vernova. Дискусијата ја модерираше Бенџамин Шмит од Универзитетот во Пенсилванија.

Седмиот состанок на P-TEC во Варшава ги обединува владините претставници, меѓународните институции и лидерите од енергетскиот сектор од Европа и САД, со фокус на енергетската безбедност, стратешката инфраструктура, диверзификацијата на снабдувањето и трансатлантската енергетска соработка.

ЗА НАС

ОhridSky е ваш доверлив извор за сеопфатно и избалансирано покривање на вестите. Со посветеност на интегритет и точност, обезбедуваме длабинско известување кое ги открива приказните што се најважни.

© 2025 OhridSky. Сите права задржани.

Login to enjoy full advantages

Please login or subscribe to continue.

✖

Go Premium!

Enjoy the full advantage of the premium access.

✖

Stop following

Unfollow Cancel

✖

Cancel subscription

Are you sure you want to cancel your subscription? You will lose your Premium access and stored playlists.

Go back Confirm cancellation

✖