Background

Крива Паланка поднесе кривични пријави против АХВ затоа што не ги одзема кравите

Општина Крива Паланка денеска поднесе неколку кривични пријави до надлежното Јавно обвинителство поради непостапување по извршните решенија за одземање на добитокот, соопшти градоначалникот Сашко Митовски во обраќање пред зградата на Основниот суд во Крива Паланка.

Со пријавите се бара Обвинителството да го испита постапувањето на службените лица во Агенцијата за храна и ветеринарство и во Агенцијата за управување со одземен имот, а во врска со решенијата за одземање на кравите кои неконтролорано се движат по територијата на општината и прават штета.

Општината бара да се утврди кој бил должен да постапи по решенијата, дали имало злоупотреба на службената положба и дали со пропустите се загрозени здравјето и безбедноста на граѓаните.

- Advertisement -
Ad image

– Трпението на граѓаните е при крај. На седницата на Општинскиот кризен штаб побаравме конкретен план и рок. Сè уште не знаеме кога Агенцијата ќе почне да ги спроведува сопствените решенија. Побарав и да ми ја дадат потребната надлежност за да можам како градоначалник да преземам одговорност за решавање на проблемот. До денес немам одговор ни на тоа барање – изјави Митовски.

Општината поднесе и претставка до Државната комисија за спречување на корупцијата, со барање да се испита дали во овој случај постојат елементи на корупција.

Исто така, општината бара Државниот управен инспекторат да изврши вонреден инспекциски надзор за да се утврди кои дејства се преземени по донесувањето на решенијата, каде запрела постапката и кој е одговорен за евентуалните пропусти.

Градоначалникот Митовски посочи дека стадата и понатаму влегуваат во нивите и се движат по патиштата, а деновиве добитокот е забележан и во дворот на средното училиште во Крива Паланка.

– Ги повикувам сите наши сограѓани, од градот и од селата, да застанеме покрај семејствата што предолго ја носат оваа мака. Мирно и достоинствено, заедно да побараме да се спроведат решенијата и да се стават стадата под контрола. Да ставиме крај на ова понижување за кое ни се смее светот – порача Митовски.

ЗА НАС

ОhridSky е ваш доверлив извор за сеопфатно и избалансирано покривање на вестите. Со посветеност на интегритет и точност, обезбедуваме длабинско известување кое ги открива приказните што се најважни.

© 2025 OhridSky. Сите права задржани.

Login to enjoy full advantages

Please login or subscribe to continue.

✖

Go Premium!

Enjoy the full advantage of the premium access.

✖

Stop following

Unfollow Cancel

✖

Cancel subscription

Are you sure you want to cancel your subscription? You will lose your Premium access and stored playlists.

Go back Confirm cancellation

✖