Хрватската пејачка откри дали ќе го задржи презимето после венчавката

По нејзиниот значаен настап на неодамна одржаниот „Мелодии на Јадранот“, Јелена Розга одржа еден од своите највпечатливи концерти на тврдината „Свети Миховил“ во Шибеник.

А како е една од најголемите ѕвезди во овој регион кога не е на сцената? Ако се омажи, дали ќе го задржи презимето или можеби ќе стане госпоѓа Хуљиќ, откри таа за хрватскиот Ин магазин.

Постојат сцени каде што настапувате, а има и такви каде што желбите се остваруваат. На преполната тврдина „Свети Миховил“, Јелена Розга одржа еден од за неа најдрагите концерти во нејзината богата кариера.

- Advertisement -

– Знаете, кога сонуваш за нешто со години и ги гледаш сите концерти на странски и домашни уметници, јас следев сè и секогаш некако сонував за тоа кога ќе ми се случи и мене. Толку сум среќна, ме расплакаа повторно. До втората песна, сите веќе беа на нозе, неверојатно – раскажува Јелена.

Секој хит беше придружуван од хор од верната публика на Јелена, која пееше заедно со својата омилена пејачка од првите до последните тактови, а таа дури и по 30 години на сцената најмногу ужива да биде на сцената.

– Ќе ја работам оваа работа сè додека ме прави среќна. Истото го правев и со балетот, танцував класичен балет 12 години, од седумгодишна возраст, и живеев за тоа да се разбудам во шест часот наутро и да облечам балетанки. Во тој момент кога повеќе не ја чувствував таа среќа, кога повеќе не сакав да се разбудам и да вежбам, реков чао-чао, збогум. Таква сум, кај мене нема ништо на пола.

На прашањето, какви желби има приватно, Јелена вели:

– Имам сè што сакам, го имам мојот мир, имам љубов.

Нејзиното момче Иван Хуљиќ го пропуштил незаборавниот концерт во Шибеник поради неговото патување во Мадрид. На прашањето дали планира да го задржи презимето ако се омажи, малку изненадената Јелена одговара.

– Никогаш не би го сменила презимето. Знаете колку сум приврзана кон моето семејство, па затоа не би го допрела презимето, не затоа што сум позната.

Сепак, вели дека не размислувала за тоа бидејќи уште не стигнале до таа фаза.

И додека Розга е полна со енергија на сцената, приватно вели дека е доста мирна.

– Активна сум на сцената, а сега замислете да сум таква и дома, нон-стоп, тоа не е нормално. Многу сум мирна приватно, сакам да бидам дома, сакам да шетам, сакам да гледам добар филм, правам работи што ги прават сите нормални луѓе. Јадам она што го готви мајка ми, убави полнети пиперки, пире од компири и супа, што може да биде подобро од тоа – вели таа.

И токму поради нејзиниот карактер, таа е омилена на сцената веќе три децении.