ФИЛМОТ „СЛУШНИ МЕ“ ЌЕ СЕ СНИМА БЕЗ ПАРИТЕ ОД АГЕНЦИЈАТА ЗА ФИЛМ

Деновиве читам секакви коментари и вести и повторно гледам колку лесно судиме, а половично знаеме или воопшто не знаеме, објави музичарот Слаткар на Фејсбук.

„Сакам една работа да биде јасна… ниту барав, ниту мене ми се доделени пари. Поддршка доби документарен филм и еден многу посветен тим кој веќе две години работи на приказна што преку мојот живот зборува за многу повеќе од мене. И искрено сум благодарен на Комисијата од @filmagency.northmacedonia која ја препозна важноста на оваа тема“, објави пејачот.

Но, не сакам проектот кој зборува за разбирање, прифаќање и поддршка да започне со поделби, додаде Слаткар.

- Advertisement -

„Затоа одлучивме филмот да се реализира без средствата доделени од Агенцијата за филм. Продолжуваме понатаму… Заедно со сите наши поддржувачи, соработници и пријатели на кои сум им неизмерно благодарен. И со најважната поддршка од вас луѓето кои ме сакаат, почитуваат и ценат. Светот ќе го чуе гласот на најтивките. Се гледаме на премиера“, објави тој во врска со филмот „Слушни ме“.