Еве какво време нѐ очекува во следните денови

Времето денеска во Македонија ќе биде претпладне магловито во одделни котлини, додека преку ден ќе преовладува сончево со мала до умерена локална облачност.

Според прогнозата на УХМР, ќе дува слаб северозападен ветер, а температурите ќе се движат од -3 до 2 степени наутро, додека максималните ќе достигнат од 6 до 14 степени.

Во Скопје, претпладнето ќе биде магловито, но во текот на денот ќе преовладува претежно сончево време со мала до умерена облачност. Утринската температура ќе изнесува 0 степени, а максималната ќе се искачи до 12 степени.

- Advertisement -

Според Управата за хидрометеоролошки работи (УХМР), следува стабилен и релативно топол период, особено на планините и повисоките места, каде што снежната покривка ќе продолжи да се топи. Во котлините ќе доминира магловито и постудено време, додека во среда се очекуваат локални врнежи од дожд.