Кузмановски и Пешевски задоволни од настапот на Мундијалот и собраното искуство

Lorita
By Lorita 2 Min Read
Disclosure: This website may contain affiliate links, which means I may earn a commission if you click on the link and make a purchase. I only recommend products or services that I personally use and believe will add value to my readers. Your support is appreciated!
epa11842370 Martin Velkovski (L) of North Macedonia challenges Nemanja Belos of Austria for the ball during the IHF Men's Handball World Championship 2025 Group II first round match between Austria and North Macedonia in Varazdin, Croatia, 21 January 2025. EPA-EFE/Tibor Illyes HUNGARY OUT
- Advertisement -
Ad image

Капитенот на ракометната репрезентација на Македонија, Филип Кузмановски, по поразот од Франција синоќа (32-25) изјави дека ќе треба да помине малку време за да разберат колку е пропуштено како репрезентација и колку шанси имаа „црвено-жолтите“ за пласман во четвртфинале.

– Горд сум на овие момци, од еден до последен се бореа до последна минута. Покажавме карактер, покажавме како треба да се игра за Македонија. Има многу простор за напредување. Покажавме како треба да се бориме. Добро работиме и веруваме во тој систем што ни го покажа Лазаров. Кире многу ни има овозможено во однос на тоа како да се справиме на натпреварите и како да го анализираме противникот – истакна Кузмановски.

За мечот со Франција, смета дека во тимот имало и малку умор и тешко е да се игра против нив.

– Тоа е тим со големи ѕвезди, но собравме сила и одигравме до крај. Среќен сум и одиме напред – порача капитенот на Македонија.

Жарко Пешевски по средбата рече дека овој натпревар беше за уживање со претендент да го освои ова натпреварување.

– Франција е велесила, се спротиставивме со сите можни сили и мислам дека оставивме добар впечаток и ќе ни биде тоа мотив за во иднина – вели Пешевски.

Според него, овој турнир е еден од подобрите во однос на физички план за македонската репрезентација.

– Покажавме дека во Македонија има снага, сила, мотивација за во иднина, со која ќе ги радуваме Македонците – додаде Пешевски.

Share This Article