Background

ДОНЧИЌ ВЛЕЗЕ ВО РАСПРАВИЈА СО СУДИИТЕ, ПА СЕ ОБВИНИ СЕБЕСИ

Лука Дончиќ повторно имаше проблеми со судиите, а Лос Анџелес Лејкерс го претрпе првиот пораз по 9 последователни победи. Јута славеше со 109:97 на гостувањето во Лос Анџелес, забележувајќи го само третиот триумф сезонава.

Тензијата започна на полувремето, кога словенечкиот кошаркар му дофрли нешто на еден од судиите. Арбитерот се сврте и го праша:

– Што рече?

- Advertisement -
Ad image

Дончиќ не одговори и продолжи кон соблекувалната. Расправиите продолжија во третата четвртина, кога на клупата на Лејкерс ѝ беше досудена техничка грешка.

 

 

Словенецот тогаш ѝ се обрати на судијката Даница Баруда.

– Не е сè до тебе – ѝ рече Дончиќ, по што доби одговор дека не знае кога треба да престане.

 

 

Покрај нервозата, Дончиќ имаше и лоша шутерска вечер. Постигна 29 поени, но погоди само 2 од 12 тројки и загуби 9 топки. Со тоа заврши неговата серија од 11 последователни натпревари со најмалку 30 поени.

По натпреварот, Дончиќ ја презеде одговорноста за поразот, пишува АП.

– Искрено, морам да бидам многу подобар. Ова е неприфатливо од моја страна. Морам подобро да го водам тимот, да го анализирам натпреварот и да научам нешто од него – изјави Словенецот.

Јута, која до овој натпревар имаше само 2 победи во 15 средби, направи серија од 15:0 во последната четвртина и поведе со 98:83. Гостите ги предводеше Кијонте Џорџ со 30 поени, додека Ејс Бејли додаде 19.

Според официјалниот извештај на НБА, Лејкерсите ја завршија вечерта со само 38,2% успешност во шутот од игра. Јута, пак, за 2 дена ги победи двата клуба од Лос Анџелес, откако претходно ја прекина серијата од 12 порази со триумф над Клиперс.

ЗА НАС

ОhridSky е ваш доверлив извор за сеопфатно и избалансирано покривање на вестите. Со посветеност на интегритет и точност, обезбедуваме длабинско известување кое ги открива приказните што се најважни.

© 2025 OhridSky. Сите права задржани.

Login to enjoy full advantages

Please login or subscribe to continue.

✖

Go Premium!

Enjoy the full advantage of the premium access.

✖

Stop following

Unfollow Cancel

✖

Cancel subscription

Are you sure you want to cancel your subscription? You will lose your Premium access and stored playlists.

Go back Confirm cancellation

✖