Дизелот поевтин за 3 денари, а бензините за денар ипол

Регулаторната комисија за енергетика (РКЕ) денеска  ги намали малопродажните цени на нафтените деривати во просек за 1,85%.

Според одлуката цената на бензините  „еуросупер-95“ и „еуросупер- 98“ се намалуваат за 1,50 денари по литар, додека цената на дизелот и екстра лесното масло за домаќинство за 3,00 денари по литар.

Малопродажната цена на Мазутот М-1 НС се намалува за 0,285 ден/кг и сега ќе изнесува 49,597 ден/кг.

- Advertisement -

Во Одлуката на РКЕ е применета владината одлука за намалениот износ на ДДВ за дизелот во износ од 10% и е применет намален износ на акцизата од 4,00 денари по литар кај бензините.

Од ноќеска на полноќ ќе важат следните цени на горивата:

Моторен бензин     ЕУРОСУПЕР БС – 95           –   98,50  (денари/литар)

Моторен бензин     ЕУРОСУПЕР БС – 98           – 100,50  (денари/литар)

Дизел гориво           ЕУРОДИЗЕЛ БС (Д-Е V)    –   97,00  (денари/литар)

Масло за горење     Екстра лесно 1 (ЕЛ-1)          – 108,50  (денари/литар)

Мазут М-1 НС                                                               –   49,597 (денари/килограм)