Четиринаесетгодишно девојче од Охрид се породи во клиниката за гиникологија во Скопје

Четиринаесетгодишно девојче од Охрид минатата недела родила дете во Клиниката за гинекологија и акушерство во Скопје. Девојчето потекнува од дисфункционална фамилија со висок социјален ризик.

Детали на случајот

Според сознанијата на редакцијата, Охридското МВР и Центарот за социјални работи веднаш биле известени од Клиниката за гинекологија и акушерство во Скопје, имајќи предвид дека станува збор за малолетно лице.

Девојчето не откривало кој би можел да биде татко на новороденчето, а околностите остануваат неразјаснети и обвиткани во тајност. Станува збор за тешко кривично дело – обљуба на малолетно немоќно лице.

Истрага

- Advertisement -

Според добиените сознанија, Охридското МВР започна истрага при која сите индиции упатуваат кон осомничено лице на околу 50-годишна возраст од Охрид. Се претпоставува дека ова лице можело да изврши сексуално насилство врз малолетното девојче.

Се очекува МВР на Република Северна Македонија и Центарот за социјални работи во Охрид да обезбедат дополнителни детали за овој исклучително сериозен случај.

НАПОМЕНА: Заради заштита на идентитетот на малолетната жртва, одредени детали намерно се изоставени.