Четиригодишно дете од Скопје се здобило со тешки телесни повреди откако било прегазено од автомобил во сообраќајна несреќа што се случила во Гостивар

Четиригодишно дете од Скопје се здобило со тешки телесни повреди откако било прегазено од автомобил во сообраќајна несреќа што се случила во Гостивар.

Од Секторот за внатрешни работи Тетово информираат дека несреќата била пријавена вчера околу 16 часот во ОВР Гостивар.

„На улицата Железничка во Гостивар се случила сообраќајна незгода помеѓу патничко моторно возило „форд куга“ со швајцарски национални ознаки, управувано од Г.Џ. (35) од село Чегране, кое удрило во пешак – четиригодишно дете од Скопје. Во сообраќајната незгода детето се здобило со тешки телесни повреди и по укажаната лекарска помош е пренесено во Комплексот клиники ‘Мајка Тереза“ во Скопје“, соопштија од СВР Тетово.

- Advertisement -

Увид на местото на несреќата извршила екипа од ОВР Гостивар, а причините за сообраќајната незгода се утврдуваат.