КОЛКУ ВРЕМЕ МУ ТРЕБА НА МУРИЊО ЗА ДА СОЗДАДЕ ПОБЕДНИЧКИ ТИМ?

Само 2 збора му беа потребни на Жозе Мурињо за да објасни колку време треба да помине пред да се видат вистинските резултати од неговата тренерска работа. Португалскиот стратег, познат по впечатливите изјави на прес-конференциите, повторно го привлече вниманието со одговор во свој стил.

На прашањето колку време му е потребно за да создаде тим што ќе ги исполни неговите очекувања, Мурињо одговорил:

– 3 години.

- Advertisement -

Одговорот дојде на прес-конференција пред натпревар од Лигата на шампионите, на која Португалецот зборуваше за амбициите на својот тим, тактичките решенија и очекувањата од фудбалерите.

Мурињо, кој во кариерата ја освојуваше Лигата на шампионите со Порто и Интер, беше прашан и дали размислува за трет европски трофеј со различен клуб.

– Тоа би било третпат да го направам со три различни клуба. Но, зборуваме за хипотетички ситуации, а јас повеќе сакам да зборувам за реалноста. А реалноста е дека сè уште ни се потребни бодови за пласман понатаму – изјавил Мурињо.

Тој нагласил дека во моментов приоритет е обезбедувањето место во нокаут-фазата, наместо размислување за освојување на натпреварувањето.

– Блиску сме до пласманот во плејофот, но не и до директно место во осминафиналето. Додека не обезбедиме пласман, нема да зборувам ниту за осминафиналето – порачал португалскиот тренер.

Мурињо зборувал и за важноста на капитенската одговорност, нагласувајќи дека искусните фудбалери мора да бидат подготвени да играат на различни позиции доколку тоа го бараат потребите на екипата.

Според него, флексибилноста на играчите и подготвеноста да се подредат на тимот се важни за остварување на резултатите што ги очекува од својата работа.