Бислимоски наредил да се исклучат фотоволтаичните централи

Македонскиот електросистем бил пред можен колапс за време на велигденските празници, поради големото производство на електрична енергија од фотоволтаичните централи бидејќи струјата немало каде да се продаде, потврди денеска директорот на МЕПСО Бурим Љатифи. Тој рече дека системот сега е стабилен.

Поради оваа состојба МЕПСО и електродистрибуција од 18 до 21 април  по своја проценка ги исклучувале од системот  фотоволтаичните централи. Одобрение за тоа, како што изјави Љатифи, дала Регулаторната комисија за енергетика, а компаниите кои се оштетени со оваа мерка нема да бидат обесштетени.

– Имаше предизвици за време на викендов и затоа се преземени тие мерки, но тоа што можеме да го кажеме е дека правиме максимални напори да го стабилизираме системот и да немаме никакви проблеми во целата мрежа – рече Љатифи.

- Advertisement -

Тој најави зголемување на банкарските гаранции и нивно активирање кај трговците на електрична енергија кои се балансно неодговорни.