Американската армија го блокира теснецот Ормуз

Повеќе од 10.000 американски морнари, војници и пилоти, со десетина воени бродови и десетици авиони, извршуваат мисија за блокирање на бродовите што влегуваат и излегуваат од иранските пристаништа во Заливот, објави вечерва Централната команда на американската армија (Цент-ком) на социјалната мрежа Икс.

„Во првите 24 часа, ниту еден брод не ја прекршил блокадата на САД, а шест трговски бродови ги исполниле упатствата на американските сили со враќање назад во иранското пристаниште во Оманскиот Залив“, соопшти Цент-ком.

Најмалку два брода од Иран вчера поминаа низ Ормуската Теснина и покрај блокадата, наведува компанијата за поморски податоци Кплер.

- Advertisement -

„Блокадата се применува непристрасно против бродови од сите нации, што влегуваат или излегуваат од иранските пристаништа и крајбрежните области, вклучувајќи ги сите ирански пристаништа во Персискиот Залив и Оманскиот Залив“, додаде американската војска.