Најмалку пет лица, меѓу кои и тројца пожарникари, беа повредени денеска, откако избувна пожар во станбена зграда во Тирана, во близина на болницата „Мајка Тереза“

Најмалку пет лица, меѓу кои и тројца пожарникари, беа повредени денеска, откако избувна пожар во станбена зграда во Тирана, во близина на болницата „Мајка Тереза“, јавија албански медиуми.

Засега не е познато како избувнал пожарот, кој брзо се проширил на целата зграда. Во операцијата за гаснење се вклучени и хеликоптери, кои летаат над областа и го гаснат пожарот од воздух.

Снимките покажуваат како граѓаните се евакуираат преку противпожарни скали низ прозорец. Неколку постари лица живееле во зградата.

- Advertisement -

Пожарот ја уништил целата фасада на новоизградената зграда. Густ црн чад можел да се види од сите делови на градот.