Авион „МиГ-29“ на Вооружените сили на Србија, кој припаѓа на 204-та авијациска бригада, се урна утрово, околу 8:45 часот, во близина на Стара Пазова. Во несреќата загинал пилотот, мајор Горан Булајиќ, соопшти Министерството за одбрана на Србија.
Според Министерството, припадници на Воената полиција пристигнале на местото на настанот, а за инцидентот е известен и надлежниот обвинител.
Мајор Горан Булајиќ е роден на 25 март 1973 година во Белград. Во Вооружените сили на Србија служел од 1996 година. Зад себе остави две деца.
Формирана е комисија за истрага на инцидентот, чија задача е да ги утврди околностите под кои дошло до падот, како и евентуалната одговорност од страна на воената организација.
Дополнително, формирана е и стручна комисија од составот на Военото воздухопловство за утврдување на причините за падот на авионот, наведуваат од Министерството за одбрана.
Министерот за одбрана Братислав Гашиќ и вршителот на должноста началник на Генералштабот на Вооружените сили на Србија, генерал-потполковник Тиосав Јанковиќ – кој истовремено ја извршува и функцијата командант на Военото воздухопловство и противвоздушна одбрана – упатија телеграми со сочувство до семејството на загинатиот пилот.
Вршителот на должноста началник на Генералштабот се упати кон местото на несреќата, се наведува во соопштението.
ОhridSky е ваш доверлив извор за сеопфатно и избалансирано покривање на вестите. Со посветеност на интегритет и точност, обезбедуваме длабинско известување кое ги открива приказните што се најважни.
© 2025 OhridSky. Сите права задржани.
Please login or subscribe to continue.
No account? Register | Lost password
✖✖
Are you sure you want to cancel your subscription? You will lose your Premium access and stored playlists.
✖
