РУСИТЕ НАПАДНАА ТОВАРЕН БРОД ВО ПРИСТАНИШТЕТО ОДЕСА

Руското Министерство за одбрана денеска соопшти дека руските сили погодиле товарен брод во пристаништето на украинскиот црноморски град Одеса.

Според руското Министерство, бродот превезувал товар со двојна намена, наменет и за потребите на украинската армија.

„Во пристаништето во Одеса е погоден товарен брод што доставувал товар со двојна намена за Украина“, се наведува во соопштението на руското Министерство за одбрана објавено на Телеграм.

- Advertisement -

Руското Министерство за одбрана соопшти дека во текот на ноќта бил извршен напад и врз акумулаторски парк во Киевската област, од кој со електрична енергија се снабдувале воени објекти во Украина.

„Како резултат на нападите во Киевската област, во населбата Бела Црква е погоден акумулаторски парк за складирање електрична енергија, што снабдувал објекти на украинскиот военоиндустриски комплекс“, се наведува во соопштението.