Земјотрес со локална магнитуда од 3,3 степени според Рихтеровата скала денеска во 14 часот и 4 минути ја затресе областа на Преспа, а потресот бил почувствуван и во Битола и околината

Земјотрес со локална магнитуда од 3,3 степени според Рихтеровата скала денеска во 14 часот и 4 минути ја затресе областа на Преспа, а потресот бил почувствуван и во Битола и околината.

Според Сеизмолошката опсерваторија при Природно-математичкиот факултет во Скопје, епицентарот бил во епицентралното подрачје Преспа, на околу 127 километри југозападно од Скопје.

Земјотресот бил почувствуван во југозападните делови на земјава, особено во Битола и околината, со интензитет од III до IV степен според Европската макросеизмичка скала.

- Advertisement -

Од Сеизмолошката опсерваторија ги повикуваат граѓаните кои го почувствувале потресот да се јават на телефонскиот број 112, со цел нивните податоци да бидат искористени за сеизмолошките истражувања.

Опсерваторијата и претходно во септември регистрираше потреси почувствувани во југозападниот дел на земјава, меѓу кои и земјотресот од 2,9 степени на 24 септември, кој беше почувствуван во Битола, Ресен и околината.