Објавени нови цени на горивата во Србија: Поскапуваат дизелот и бензинот

Објавени се новите цени за евродизелот и бензинот, кои ќе важат до петок, 25 септември.

Од денес во 15:00 часот па сè до истиот термин во петок, 25 септември, максималната цена за литар евродизел ќе изнесува 236 динари, додека цената на бензинот „Еуро-премиум БМБ“ ќе биде 207 динари за литар, пренесува „Данас“.

Минатата недела, цената на евродизелот изнесуваше 234 динари за литар, а на бензинот 205 динари за литар. Тоа значи дека цените и на евродизелот и на бензинот се зголемени за два динари.

- Advertisement -

Поради новата ескалација на конфликтот на Блискиот Исток, цената на суровата нафта од типот „Брент“ повторно ја надмина границата од 100 долари за барел, што е фактор што придонесува за раст на цените на горивата ширум светот.