Се урна мал авион во Хрватска

Мал авион се урна во близина на Винковци, во источна Хрватска. Според неофицијални информации, во авионот се наоѓал само пилотот, кој не ја преживеал несреќата.

Авионот паднал во близина на летачкиот клуб „Врабац“ и завршил во поле со пченка, веднаш до пистата.На местото на настанот биле испратени служби за итна помош и хеликоптер за итна медицинска помош. Според неофицијални информации, пилотот починал по обидите за реанимација, пренесува информативниот портал Dnevnik.hr.

Полицијата ја потврди несреќата за хрватскиот портал Index, но сè уште нема објавено дополнителни детали.