Нестабилна маса попладнево се движи низ земјава

Управата за хидрометеоролошки работи (УХМР) регистрираше развој на нестабилни облачни маси кои зафатија повеќе региони низ државата.

Регионот на Гостивар и планинските предели северозападно од Струга и западно од Крушево се зафатени со нестабилна облачна маса.

Според радарската слика има нестабилна облачна маса на крајниот северозапад, проследена со засилен ветер, грмежи и дожд. Слаба нестабилност има и јужно од Делчево.

- Advertisement -

Под влијание на циклонска активност за време на викендот ќе преовладува променливо облачно време со повремени врнежи од дожд. Локално врнежите ќе бидат поројни и пообилни (над 15 l/m²), проследени со грмежи и засилен северен ветер (над 40 km/h). Од сабота дневната температура ќе биде во опаѓање. Потоа до средината на следната седмица следува релативно стабилно и посвежо време.