12 ПАТНИЦИ ЗАГИНАА ОТКАКО АВТОБУС ИЗЛЕТА ОД ПАТОТ ВО УНГАРИЈА

Дванаесет лица загинаа, а најмалку 10 се повредени откако полски автобус излета од патот и падна во канал во североисточна Унгарија, соопшти денеска унгарскиот премиер Петер Маѓар на социјалните мрежи.

Полскиот автобус излетал од коловозот рано утрово, по што паднал во канал и се превртел, објави унгарската новинска агенција МТИ. Полицијата претпоставува дека возачот заспал зад воланот. Тој е приведен.

Тешката сообраќајна несреќа се случи во близина на градот Мезокерештеш, во североисточниот дел на Унгарија.

- Advertisement -

Спасувачките служби извлекоа 35 повредени лица од автобусот.

Унгарската служба за итна помош соопшти дека згрижила едно лице со повреди опасни по живот, девет лица со тешки повреди и уште 37 лица со полесни повреди.

Според унгарските медиуми, во туристичкиот автобус имало 57 патници и двајца возачи.