ПОВРЕДЕНИ ТУРИСТИ ОТКАКО ИЗБУВНА ПОЖАР ВО ХОТЕЛ ВО ВАЛОНА
Во пожар што избувнал во хотелот „Бруклин“ во приморскиот албански град Валона, повредени се повеќе туристи, при што петмина се пренесени на лекување во Тирана, а еден е во критична состојба.
Според Министерството за здравство, тројца од повредените се примени во Универзитетската клиничка болница „Мајка Тереза“. Еден од пациентите е во сериозна состојба, поради високиот процент на изгореници и бара континуирано медицинско следење и нега, објавија медиумите.
Двајца пациенти се на лекување во Универзитетската болница за трауматологија.
– Медицинскиот персонал ќе продолжи внимателно да ја следи здравствената состојба на повредените, обезбедувајќи им ја потребната медицинска помош – наведуваат од здравствените установи.
Петмина од повредените се туристи од Косово, а еден е албански државјанин. Засега нема официјална потврда за причината за пожарот.
ЗА НАС
ОhridSky е ваш доверлив извор за сеопфатно и избалансирано покривање на вестите. Со посветеност на интегритет и точност, обезбедуваме длабинско известување кое ги открива приказните што се најважни.
Links
© 2025 OhridSky. Сите права задржани.
