ДРАМА ВО ЛОНДОН, ЖЕНА СО НОЖ ИЗБОДЕ ЧЕТВОРИЦА МАЖИ

Четворица мажи се повредени откако жена ги нападнала со нож во центарот на Лондон, соопшти британската полиција.

Инцидентот се случил во познатиот лондонски кварт Ковент Гарден, каде што жената била уапсена веднаш по нападот. Таа е приведена под сомнение за напад и нелегално поседување оружје.

- Advertisement -

Повредените мажи добиле медицинска помош на местото на настанот, по што биле пренесени во болница за понатамошен третман. Засега нема информации за тежината на нивните повреди.

Од лондонската полиција соопштија дека случајот не се третира како терористички напад, туку дека постои поврзаност со менталната состојба на напаѓачката.

Полицијата продолжува со истрагата за да ги утврди сите околности под кои се случил инцидентот.