Планетата навлегува во сè поопасен период: прагот на затоплување од 1,5 степени ќе биде надминат во 2026 година

Прагот на затоплување од 1,5 степени – во однос на прединдустриските нивоа – речиси сигурно ќе биде повторно надминат оваа година, соопшти во петокот европската програма за следење на климата „Коперник“ (Copernicus).

Парискиот договор од 2015 година го постави ограничувањето на затоплувањето на 1,5 степени Целзиусови до 2100 година како глобална цел, притоа одредувајќи ги двата степена како горна граница што мора да се избегне за да се спречи најлошото можно сценарио.

Според агенцијата ДПА (dpa), надминувањето на границата оваа година би претставувало вторпат во историјата – по 2024 година – да се надмине овој лимит. Од „Коперник“ нагласуваат дека целта се смета за надмината дури откако ќе се пресмета повеќегодишен просек.

- Advertisement -

2026 година би можела да биде втората најтопла година во историјата на мерењата.
Според проценките на „Коперник“, постои голема веројатност 2026 година да биде втората најтопла година откако се вршат мерења, при што постои 20-процентна шанса таа да го надмине сегашниот рекорд поставен во 2024 година.

Експертите исто така очекуваат дека четиригодишниот просек од 2023 до 2026 година ќе го надмине прагот од 1,5 степени. Според податоците на европската програма, минатиот месец бил најтоплиот октомври некогаш забележан на глобално ниво, со просечна температура на површината за 1,75 степени повисока од прединдустрискиот просек за тој месец.

Ова е трет месец по ред во кој е надминат прагот од 1,5 степени.

„Ел Нињо“ дополнително го засилува затоплувањето
„Исклучително силниот ’Ел Нињо‘ носи дополнителна топлина во климата која е веќе загреана поради човечките активности, а 2026 година е на пат да стане втората календарска година во која ќе биде надминат прагот од 1,5 степени“, изјави Саманта Бурџес од Европскиот центар за среднорочни временски прогнози.

„Особено е значајно тоа што се очекува и четиригодишниот просек да надмине 1,5 степени, што укажува на тоа колку станал упорен овој период на глобално затоплување.“ ОН предупредуваат на климатски екстреми
Обединетите нации сега официјално предвидуваат дека целта за ограничување на затоплувањето на 1,5 степени – утврдена со Парискиот договор – ќе биде надмината.

Бидејќи ваквото сценарио се заканува да предизвика драстични климатски екстреми и опасни критични точки, секое надминување на оваа граница треба да биде што е можно помало и пократко, се наведува во извештаите на ОН.