(Галерија) Отпад Охрид слави 30 години доверба, и најавува нов почеток со Nest ресорт
Триесет години. Толку долго компанијата „ Отпад “ Охрид гради имиџ на сериозен, доверлив и препознатлив партнер во регионот и светот. Во изминативе три децении, компанијата израсна во еден од лидерите на македонското стопанство во делот на собирање, откуп и рециклажа на отпад, градејќи цврст систем на работење, доверба кај своите партнери и препознатлива општествена одговорност кон зачувување на животната средина.
Токму таа стабилност, стекната низ години сериозна работа, денес и е темел компанијата да чекори кон сосема нова глава од својата приказна. Отпад Охрид со гордост го претставува новиот „ Nest ресорт “, проект кој ги обединува искуството, стручноста и визијата стекнати во изминатите 30 години, во еден современ и препознатлив концепт.
Станува збор за отворање елитен туристички комплекс, авто камп со футуристички изглед, единствен на овие простори на Балканот. Комплексот е замислен како простор каде природата и модерната архитектура се преплетуваат во целина, со дизајнерски капсули сместени меѓу вековни борови, елегантен базен, уредени патеки и простор за релаксација, наменет за гости кои бараат необичен, луксузен и автентичен начин на одмор, различен од сè што досега постоело во регионот.
Јубилејот доаѓа во вистинско време, бидејќи компанијата не само што го одбележува своето значајно минато, туку истовремено ја отвора и оваа нова страница. Настанот ќе се одржи денес , среда, , 29 јули, во периодот од 19:30 до 20:00 часот, на улица Васил Стефоски, во населба Далјан, Охрид. Присутните ќе имаат можност да бидат дел од двојната прослава, јубилејот на компанијата и официјалното претставување на „Nest ресорт“, во елегантна атмосфера каде традицијата и иновацијата се среќаваат на едно место.
„Отпад“ Охрид со право може да се пофали со три децении довербa од своите клиенти, соработници и партнери, стекната преку сериозен и одговорен пристап кон дејноста со отпад. Токму таа доверба е темелот врз кој денес се гради и новиот проект, „Nest ресорт“, замислен како простор кој ги следи највисоките стандарди на квалитет и услуга, препознатливи за брендот „Отпад“ Охрид.
Компанијата ги повикува сите свои гости, пријатели и соработници да бидат дел од овој значаен настан, и заедно да ја одбележат средбата на богатото минато со новиот, футуристички почеток кој допрва доаѓа.
Охридскај
ЗА НАС
ОhridSky е ваш доверлив извор за сеопфатно и избалансирано покривање на вестите. Со посветеност на интегритет и точност, обезбедуваме длабинско известување кое ги открива приказните што се најважни.
Links
© 2025 OhridSky. Сите права задржани.
