Топол бран ја зафаќа Македонија, температурите ќе се искачат до 40 степени

Времето денеска ќе биде сончево и топло, со мала до умерена локална облачност и слаб до умерен ветер од променлив правец. Утринските температури ќе се движат од 11 до 21 степен, а дневните ќе достигнат од 31 до 38 степени, соопшти Управата за хидрометеоролошки работи (УХМР).

Во Скопје ќе преовладува сончево и топло време, со слаб ветер од променлив правец. Утринската температура ќе се спушти до околу 18 степени, а дневната ќе достигне до 35 степени.

Според УХМР, под влијание на топол бран, и во наредните денови ќе продолжи периодот на сончево и многу топло време. Највисоки температури се очекуваат во првата декада од август, кога во одделни делови од земјата максималната дневна температура локално ќе достигне и до 40 степени.