Автопатот кон Блаце не поминува низ имоти на членови на ДУИ, туку се реализира според професионално решение

Пискотниците на ДУИ за автопатот Скопје-Блаце имаат само една причина: трасата не поминува таму каде што со години се правеле пресметки и се купувале земјишта со надеж за милионски профити од експропријација, реагира Вреди преку соопштение.

„За прв пат добиваат граѓаните, а не партиските интереси. Ова е вистинската причина за нивната врева. Обидот автопатот да служи за индивидуални интереси, а не за интерес на граѓаните, пропадна. Трасата се реализира според професионално решение и во корист на граѓаните, а не според плановите на оние што мислеа дека ќе се збогатат од овој пат. Со години овој стратешки проект беше одложуван и држен како заложник на тесни интереси. Денес, кога конечно напредува, корисници нема да бидат привилегирани поединци, туку граѓаните, бизнисите, економијата и стратешкото поврзување со Косово“, се наведува во реакцијата на Вреди.

Оттаму нагласуваат дека автопатот Скопје-Блаце е еден од проектите што ја покажува разликата меѓу оние што зборувале за развој и оние што го реализираат во пракса.

- Advertisement -

„Автопатот Скопје-Блаце е најдобар доказ за разликата меѓу два политички пристапи: 24 години празни ветувања и 24 месеци ангажман што го водат проектот кон завршување“, додаваат од Вреди.